Марковиќ: Продолжувањето на ЕУ интеграциите со еден посилен капацитет
Црна Гора го продолжува процесот на европски интеграции, со посилен капацитет како членка на НАТО, изјави црногорскиот премиер Душко Марковиќ, на состанок со високата претставничка на Европската унија за заедничка политика и безбедност, Федерика Могерини.
- Црна Гора е пример за успешен пристап. За мене е важно и натаму силно да напредувате, рече Могерини на состанокот со Марковиќ во Брисел.
Марковиќ ја потсети шефицата на дипломатијата на ЕУ на очекувањата на Црна Гора дека претпристапните преговори ќе завршат најмногу за пет години.
- Немаме скриена агенда и сакаме силно да одиме по тој пат концентрирајќи се на реформите и на усвојување на европските вредности со што во ЕУ би влегле со сиот свој потенцијал, рече Марковиќ.
Тој ја потенцира потребата регионот своите проблеми да се обиде да ги реши сам без посебна потреба за медијација на Европската комисија.
- Мошне е важно работејќи на европската агенда да ги јакнеме и односите внатре во регионот. Потребно е да работиме заедно, рака под рака со цел да ги совладаме предизвиците, додаде Марковиќ.
Ново на Сител
-
Маж и жена од Македонија се заглавиле во заливот Филикури, ги спасиле полицајци
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот
-
Кривична пријава за девет лица затекнати во незаконска сеча на дрва
-
Невремето „Атена“ ќе ја зафати Грција – предупредување за опасни временски појави
-
ЦУК: Под контрола пожарот во Мариово, активни вкупно пет пожари