Марк Гиу најдобар стрелец во Конференциската лига

Фудбалерот на Челзи, Марк Гиу стана најдобар стрелец по шест кола од генералната фаза на Конференциската лига.

Деветнаесетгодишниот Шпанец синоќа на дуелот со Шамрок Роверс постигна три гола за да заврши на првото место по ефикасност со шест гола на исто толку натпревари. 

Втор е Кристофер Нкунку исто така од Челзи со пет постигнати голови.

Пет гола постигнаа и Кшиштоф Пентек (Истанбул ББ), Афимико Пулулу (Јагиелонија), Милош Пантовиќ (Бачка Топола) и Џони Кени (Шемрок Роверс).

Челзи е прв на табелата со 18 бодови, Гимараеш е втор со 14, следуваат Фиорентина, Рапид, Ѓургарден и Лугано со 13.