МАНУ и БАН ќе помагаат за реализација на Договорот за добрососедство
Македонската академија на науките и уметностите (МАНУ) и Бугарската академија на науките (БАН) на денешната средба во Скопје изразиле подготвеност да им помогнат на своите влади во реализација на Договорот за пријателство и соработка и за таа цел двете академии ќе формираат меѓуакадемиска група, предводена од нивните претседатели.
Оваа меѓуакадемиска група, како што стои во соопштението од МАНУ, треба да придонесе за конкретизирање на формите и содржините за соработка предвидени во Договорот.
Средбата се одржала во рамки на редовната соработка меѓу МАНУ и БАН, а бугарската делегација ја предводел претседателот, академикот Јулијан Ревалски.
На средбата, како што соопшти МАНУ, е потенцирано значењето на Договорот за пријателство и соработка меѓу Република Бугарија и Република Македонија како силен поттик за понатамошно продлабочување на соработката меѓу двете земји и академии во науката, знаењата, културата, економијата, зближувањето на младите луѓе и други подрачја на создавање и прифаќање и примена на заеднички европски вредности.
- Искуствата од досегашната соработка меѓу двете академии, која претходеше и даде свој придонес во постигнувањето на Договорот за
пријателство и соработка, ја засноваат увереноста дека само со таквиот пристап, својствен за науката, културата и уметноста се отвораат нови перспективи за Балканот како подрачје на мир, стабилност и развој, се наведува во соопштението.
За таа цел, подготвени да им помогнат на своите влади во реализацијата на Договорот, двете академии ќе формираат меѓуакадемска група, предводена од нивните претседатели, која треба да придонесе за конкретизирање на формите и содржините за соработка предвидени во Договорот.
На средбата се допрецизирани заедничките научно - истражувачки и уметнички проекти врз кои ќе се работи во следните три години, договорени се апликации за научно-истражувачки проекти финансирани од европските структурни фондови и проекти што ќе се реализираат во рамките на трилатералната соработка МАНУ- БАН - САНУ.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп