Мане ново засилување за Ливерпул

Откако вчера успешно ги мина лекарските прегледи Мане денеска потпиша повеќе годишен договор со Ливерпул,а ќе го носи дресот со број 19.

„Црвените“ за откуп на договорот ќе треба да платат 34 милиони фунти на Саутемптон. 

- Ова е голем ден за мене бидејќи потпишав договор со еден од најголемите клубови во Европа, изјави за официјалниот клупски сајт играчот.

Мане во дресот на Саутемптон одигра 75 натпревари и постигна 25 голови.

24-годишниот играч за Сенегел на 36 натпревари има постигнато 10 голови, а претходно има настапувано за Мец и за Салцбург.

Ливерпул во новата сезона веќе има потпишано со три играчи: Марко Грујиќ, Жеол Матип и Лорис Кариус.

Мане е петти играч кој од Саутемптон потпишува за Ливерпул од летото 2014 година. Претходно трансфери направија: Лалана, Ловрен, Ламберт и Клајн.