МАН бара Спасовски да си расчисти сите случаи на напади и закани врз новинари
Македонската асоцијација на новинари (МАН) бара од министерот за внатрешни работи Оливер Спасовски во најкус можен период да ги расветли сите случаи во кои има насилство, закани и напади врз новинари.
Во денешното соопштение од МАН стои дека бараат од Спасовски да ги расветли нападот врз екипата на телевизијата Сител од митингот на СДСМ пред Собранието на РМ во мај годинава, каде Ивона Талевска и снимателите завршија со, се подвлекува, видливи физички повреди на Клинички центар.
Бараат да се расветли и случајот од нападот врз новинарот и уредник на Нетпрес, Дејан Николовски од Стојанче Ангелов, потоа физички или вербални напади врз водителите Јанко Илковски и Антонио Димитриевски, заканите и навредите од СДСМ кон новинарот на Сител, Љупчо Златев, заканите, како што стои, по живот врз уредниците на Сител и весникот Вечер.
- Упадите во програмата на национална телевизија Канал 5 од хулигани кои себеси се нарекуваат новинари, нападот врз Јанко Илковски од Сител од лице кое себеси се нарекува новинар, а припаѓа на групата уличари финансирани од СДСМ, упадите и кршењето во Радио Слободна Македонија, упадот и кршењето во неделникот Република, како и физичкиот напад со шипка, навредите и заканите за физичко насилство врз Бобан Нонковиќ од активисти на невладиниот сектор финансиран од Сорос, поточно Петрит Сарачини од МИМ, а сега одговорен уредник во ТВ21, стои во соопштението од МАН и се додава оти мора да се расчистат и случаите со заканите по живот за новинарите од редакцијата на Курир од активисти на СДСМ кои објавувале фалсификувани фејсбук постови од новинари на порталот Курир и се заканувале со физичко насилство врз новинари од порталот, но и прислушувањето и објавување монтирани снимки на сопственици, уредници и новинари од Канал 5, Сител, Вечер.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово