Малтешките здравствени работници се заканија со штрајк ако не се откажат фестивалите
Лекарите и медицинските сестри на Малта денеска се заканија со штрајк поради тоа што најавените четири големи музички фестивали би можеле да бидат голем ризик за ширење на новиот коронавирус.
Помеѓу најавените фестивали е и БПМ Фестивалот на електронска музија од 11 до 13 септември. Фестивалите би требало да привлечат илјадници странски туристи во август и септември.
Медицинското здружение на Малта најави дека ќе ги затвори сите клиники и ќе ги советува лекарите да ги одложат сите вонболнички интервенции во државните болниви ако не се откажат фестивалите.
Синдикатот на медицински сестри и акушерки претходно и постави ултиматум на Владата да ги откаже планираните настани и го обвини премиерот на Малта, Роберт Абел дека ги избрал „алчните претприемачи“ пред животите на ранливите луѓе.
И фармацевтите најавија штрајк ако не се откажат фестивалите.
Малта укина дел од рестриктивните мерки во јуни и јули, а Абел изјави дека земјата е „отворена за бизнис“. Но, забележан е пораст на заразени лица со Ковид-19 по забавата што траеше цел викенд.
Бројот на активни сличаи во Малта денеска порасна од 10 на 150, а повеќе од половината инфицирани односно 85 се мигранти кои биле спасени на море.
Малтешкиот министер за здравство Крис Феарн вчера објави нови рестрикции за настаните на кои има повеќе од сто луѓе, но новите правила не ги смирија противниците на фестивалите.
Ново на Сител
-
Сообраќајот на државните патишта се одвива непречено
-
Студено утро со магла по котлините, преку денот сончево со слаб ветер
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа