Македонско-унгарска деловна средба во Стопанската комора
Стопанската комора на Македонија во соработка со Министерството за економија и Амбасадата на Република Унгарија денеска организира деловна средба во рамки на подготвителниот состанок на Мешовитата комисија по Договорот за економска соработка меѓу Владата на Република Македонија и Владата на Унгарија.
На состанокот ќе се даде поддршка на иницијативата за потпишување меморандум за соработка од страна на Стопанската комора на Македонија и Аграрната комора на Унгарија, со цел зголемување на соработката во овој сектор. Ќе се предложат и мерки за унапредување на соработката меѓу фирмите од двете земји, како и соработката со останатите регионални комори во рамките на Стопанската комора на Македонија, првенствено во областа на земјоделството, но и во останатите дејности карактеристични за тие региони и на барање на компаниите.
Од македонска страна, на состанокот ќе присуствуваат потпретседателот на Стопанската комора на Македонија Јелисавета Георгиева и соработниците, а од унгарска страна, Левент Маџар, државен секретар при Министерството за надворешни работи и трговија на Унгарија, како и Јожеф Бенце, амбасадор на Унгарија во Македонија.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден