Македонските пинг-понгарски клубови го очекуваат продолжувањето на натпреварите
Со подобрувањето на епидемиолошката состојба во државата и во очекување на укинување на одредбата за задолжителен ПЦР тест на натпреварувачите пред секој натпревар, пинг-понгарите го очекуваат продолжението на сезоната.
Од Пинг-понгарската федерација на Македонија (ППФМ) веќе го имаат изготвено и скратениот календар во кој приоритет ќе имаат Државните првенства во сите категории и ТОП турнирите на кои ќе учествуваат најдобро рангираните играчи.
– Во плановите на федерацијата е учестово на репрезентацијата на меѓународната сцена, балканските првенства во Бугарија и Европското првенство во Полска. ППФМ во својот долгорочен план има зацртано континуирана поддршка на клубовите кои имаат активни школи за млади играчи, и кои постигнуваат забележителни резултати на младинските натпреварувања.
Со последната акција со донирање на опрема на клубовите беа опфатени повеќе клубови меѓу кои Берово, Куманово, Пошта 2, Борец Тим и новоформираниот клуб Пелагонија од Битола. Младите играчи се оние кои најмногу го очекуваат продолжувањето на натпреварите, а ППФМ за нив планира и организирање на тренинг кампови, информираат од ППФМ.
Ново на Сител
-
За изборите на 8 мај акредитирани 1078 домашни и 770 странски набљудувачи
-
Киднапиран, избоден и претепан скопјанец – Еден од напаѓачите негов колега
-
ЦУК: Пронајден е изгубен планинар на Плачковица
-
Земјотрес регистиран во Скопје
-
Велика Сабота - денот меѓу смртта и воскресението
-
Одбележување 121 година од смртта на Гоце Делчев
-
Посебен сообраќаен режим денеска во Скопје
-
Русија тврди дека Украина го нападнала Крим со американски ракети