Спорт плус
14. May 2021 - 10:36

Македонските одбојкари освоија сет против европскиот првак Србија

Македонската одбојкарска репрезентација вчеравечер загуби очекувано од европскиот првак Србија со 3:1 во првиот од двата гостински теста пред настапите во Европската сребрена лига.

Откако Србија доби три сета, со 25:19, 25:20 и 25:18, селекторите решија да одиграат уште еден, а во него македонскиот тим беше подобар со 25:21.

Вечер од 19 часот, избраниците на селекторот Никола Матијашевиќ ќе играат со Б-тимот на Србија, во Велико Градиште.

По овие две тест-средби, македонските одбојкари ќе се вратат во Струмица за да ги одработат завршните тренинзи пред шестиот настап во Европската сребрена лига.