-->
-->
Македонските кошаркари против Словачка ги започнуваат квалификациите за ЕП 2021
-->
Со дуелот против Словачка кошаркарската репрезентација на Македонија, ќе го отвори предквалификацискиот циклус за Европското првенство што ќе се одржи во 2021 година.
По бројните откажувања и проблемите со повредените играчи, селекторот Јорданчо Давитков ќе се обиде со подмладен состав да извлече позитивен резултат од тешкото гостување.
„За овој претквалификациски циклус можам да кажам дека се може да се очекува. Составот е тој ако се изземат несреќните повреди на Чековски, Трајковски и најновата на Костоски. Репрезентацијата е подмладена со играчи кои ќе бидат идните лидери на оваа селекција. Словачка ни е сериозен противник. Немаме некој посебен психолошки притисок. Словачка во февруари треба да дојде во Скопје, притисокот повеќе е кај нив. Ние ќе се обидеме да изиграме и да го извадимте најдобро од нас“, изјави селекторот Давитков.
Дуелот меѓу Словачка и Македонија кој ќе се игра попладнево од 18 часот во градот Попрат, е првиот од А групата во која е и селекцијата на Швајцарија која в недела (26 ноември) ќе гостува во Скопје.
Љубителите на кошарката ќе може да го гледаат единствено на „YouTube“ каналот на ФИБА, бидејќи нема да има телевизиски пренос во Македонија
Во другите две групи ќе играат:
Б група: Албанија – Ерменија. Слободна е Данска.
Ц група: Кипар – Португалија, Слободен е Луксембург .
Пласман во главната фаза ќе обезбедат победниците во трите групи, како и најдобро второ рангираната селекција.
-->
-->
-->
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата