Македонските кадети вторпат подобри од Словачка

 

 Репрезентацијата на Македонија до 16 години денеска славеше со 1:0 на вториот контролен натпревар против врсниците од Словачка на гостувањето во Братислава.

 

Избраниците на селекторот Добринко Илиевски повторно одиграа одличен натпревар и сосема заслужено се радуваа на новиот триумф.

 

Дарко Чурлинов во 27. минута беше стрелец на голот за победа на Македонија.

 

Во шанси за поубедлив триумф за нашата кадетска репрезентација се најдоа и Страторски, Колевски, Трајковски, Битиќи и Наумовски, но не реализираа.

 

Репрезентацијата на Македонија до 16 години славеше победа со 3:1 и на првиот дуел против Словаците во Братислава одигран пред два дена