Македонски бизнисмени во Тирана ја зајакнуваат соработката со албанските компании
Бизнис делегација од Сојузот на стопански комори и делегација од Комората на северозападна Македонија престојува во тридневна посета на Албанија со цел да се разгледаат можностите за интензивирање на деловната соработка и да се воспостават нови бизнис релации меѓу компаниите од двете држави.
Бизнисмените остварија средба со албанскиот премиер Еди Рама, а се сретнаа и со повеќе министри во албанската Влада. Планирано е да остварат средби и со претседателите на Стопанската комора на Тирана и Сојузот на стопански комори и индустрија на Албанија, градоначалниците на Тирана и Драч, директорот на пристаништето во Драч и со претседателот на Стопанската комора во Драч.
Во рамки на посетата ќе се одржи и бизнис и инвестициски форум во Тирана кој ќе се организира во соработка со Сојузот на стопански комори и индустрија на Албанија и Стопанската комора на Тирана. На форумот ќе учествуваат компании од двете држави, а најавено е присуство и на албанскиот министер за економија, македонскиот амбасадор во Албанија и албанскиот амбасадор во Македонија.
Македонија и Албанија немаат голем обем на трговска размена, но има потенцијал за унапредување на соработката, особено во делот за заедничкиот настап на трговски саеми, организирање тет-а-тет настани и изработка на заедничка туристичка понуда. Двете држави се членки на Светската трговска организација (СТО) и потписнички на Договорот за слободна трговија во Централна Европа (ЦЕФТА) 2006.
Сојуз на стопански комори има потпишано Меморандум за соработка со Индустриската Стопанска комора од Драч, а во соработка со Институтот за современи истражувања од Албанија го реализираше проектот за подобрување на бизнис соработката во прекуграничниот регион, финансиран од ИПА програмата.
Ново на Сител
-
Паднаа Фејсбук, Инстаграм,Месингер
-
Средба на министерот Тошковски со Симон Ридли, државен секретар за внатрешни работи на Обединетото Кралство
-
32-годишен скопјанец ги нападнал неговата мајка и баба
-
Тројца малолетници нападнале 60 годишник на автобуска во Гази Баба
-
ЕУ со нови санкции за Русија
-
Бунтовниците го укинаа полицискиот час во Дамаск
-
Царинска управа: Запленети накит, девизи, цигари, облека и автоделови
-
Костадиновски: Одлуката за подготвителна седница не е слабост, Судот ќе одлучува за иницијативите за Законот за јазиците најдоцна во мај