Македонската фудбалска репрезентација до 21 година загуби од Грузија

Македонската фудбалска репрезентација до 21 година го запиша третиот пораз во четвртиот натпревар во квалификациите за Европското првенство 2025.

Попладнево во дуел од Ц-групата, поуспешни од македонските фудбалери беа репрезентативците на Грузија со минимални 1:0.

Стрелец на единствениот гол на натпреварот одигран на тренинг центарот „Петар Милошевски“ во Скопје беше Саба Маматсашвили во 54. минута.

Грузијците со 10 бодови се на второто место во поредокот, Македонците се претпоследни (5. место) со само три бода.