Македонска делегација на Самиот на НАТО во Варшава
Делегација предводена од заменик претседателот на Владата и министер за надворешни работи Никола Попоски, во чиј состав е и министерот за одбрана Зоран Јолевски, учествува на Самитот на НАТО што денеска и утре се одржува во Варшава.
Министерот Попоски предвидено е да се обрати на состанокот на шефови на држави и влади посветен на Авганистан, а за време на Самитот се очекува да оствари и повеќе билатерални средби.
Министерот за одбрана има обраќање на Состанокот на министри за одбрана за платформата за интероперабилност, а планирано е да оствари и повеќе билатерални средби со министрите за одбрана на земјите-членки на Алијансата.
На 1 јули Кабинетот на претседателот на Република Македонија Ѓорге Иванов информираше дека тој нема да учествува на Самитот на НАТО поради игнорирање на меѓународното право, пресудата на Меѓународниот суд на правдата во Хаг, геополитичките аспекти и безбедносните предизвици во регионот.
Се додека не се земат предвид овие факти, посочија од Кабинетот, претседателот Иванов нема да учествува на самити на НАТО, а Република Македонија ќе биде претставувана на ниво на министри за одбрана и за надворешни работи, пракса воспоставена од самитот во Кардиф во 2014 година.
Ново на Сител
-
Агелер: Немате поголем поддржувач и партнер во остварување на вашите цели од САД
-
Еминем преку видеоспот објави дека ќе стане дедо
-
Подарок од срце за Светскиот ден на животните: dm донираше 678 килограми храна на три скопски прифатилишта за кучиња
-
Таравари вети вработување на половина од средно медицинскиот персонал што работи со договор на дело
-
Коцевска: Нема потреба од носење на Закон за амнестија, треба поголема примена на условниот отпуст со заштитен надзор
-
Расчистени повеќе диви депонии во општините Сарај, Карпош, Центар, Бутел и Чаир
-
Кликс: Најмалку 10 лица загинаа во поплавите во БиХ, побарана помош од Оружените сили
-
Македонски државјанин уапсен во Косово при обид заедно со други две лица со трактор нелегално да ја премине границата