Македонија во група со Италија, Хрватска и Шведска

Македонската женска кошаркарска репрезентација ги доби противниците во квалификациите за Европското првенство. Македонија ќе игра Х-групата заедно со селекциите на Италија, Шведска и на Хрватска.

 

Ова е епилогот по денешната ждрепка на која беа поделени 32 земји кои ќе земат учество на квалификациите за континенталното првенство.

 

Вкупно 34 земји пријавија учество, а Латвија и Србија како земји-домаќини автоматски се квалификувани на првенството. На нив ќе им се придружат уште 14 земји кои в ноември ќе ја започнат битката за пласман на Европското првенство.

 

Првите два натпревари од евро-квалификациите ќе бидат одиграни во ноември потоа следи пауза до февруари 2018 година кога ќе се одиграат два натпревари, а финалните квалификациски натпревари ќе бидат одиграни во ноември 2018 година.

 

Првопласираните од групите се пласираат на првенството, како и шесте најдобри второпласирани.