Македонија почна со победа над Луксембург
Кошаркарската репрезентација на Македонија со победа ги почна квалификациите за Евробаскет 2017. Вечерва во Кавадарци Македонија потешко од очекуваното дојде до триумф над Луксембург 89:75 (30:13; 18:15; 21:26; 20:21).
Во првите минути се играше изедначено до 9:9, а потоа македонските кошаркари заиграа поагресивно во одбраната и стигнаа до највисоките 30:13 во првиот период.
На почетокот на вториот Македонија имаше и 23 поени предност што беше највисока разлика. Но, гостите полека успеваа да ја намалат предноста на Македонија.
Во 34.минута Луксембург успеа да намали на 10 поени (75:65). Во 37.минута гостите намалија и на 79:70.
Селекторот Драган Раца им даде шанса на сите играчи кои беа во записникот. Најефикасен со 28 поени беше Војдан Стојановски.
На вториот натпревар од 1.коло од групата Г Унгарија ја победи Велика Британија со 96:77.
Македонија следниот натпревар го игра на 3.септември во Лондон против Велика Британија.
Ново на Сител
-
Ја граделе сo „пурпена“ која чинела 5 евра, наместо со панели кои не горат 40 минути и чинат 17 евра: Екс обвинителката Кадриу, за пожарот во модуларната во Тетово
-
Девет хотели во Охрид почнуваат со примарна селекција на комуналниот отпад
-
Српски медиуми: Даниел Кајмакоски киднапиран во Белград
-
Македонските тенисери пред тежок испит, Кипар има предност од 2:0
-
Трамп за 19 февруари го планира првиот состанок на Одборот за мир
-
Најмногу дожд во Маврови Анови, најстудено на Попова Шапка и Берово
-
„Вашингтон пост“ го објави повлекувањето на извршниот директор
-
Мицкоски ќе се сретне со репрезентативните синдикати од областа на администрацијата
