Македонија по осми пат ќе игра на ракометните мундијали

Ракометната репрезентација на Македонија победи во драматичниот натпревар со селекцијата на Чешка со 27-25 и успеа да се пласира на следното СП што ќе биде осмо учество на мундијалите.

Чесите на оваа средба беа во предност само на стартот од средбата кога водеа со 4-2. Во продолжението нашата репрезентација го превзеде водството но не успеа да го зголеми повеќе од три погодоци.

Во самиот финиш Чешка се доближи на само гол и се обиде да оствари нерешен резултат со што таа ќе одеше на СП.

Јунак во нашиот тим беше голманот Митревски додека вистински лидер на тимот беше Кузмановски со 8 погодоци. Капитенот Кире Лазаров кој го одигра последниот меч во националниот тим заврши со два погодоци.