„Македонија блокира“ од петок со блокади и на крстосниците во Скопје
Приврзаниците на „Македонија блокира“ кои се противат на уставните измени најавија дека покрај 24-часовното блокирање на просторот пред Собранието, од петок ги прошируваат активностите со блокади и на раскрсници во Скопје во попладневните часови.
Драган Угриновски на денешната прес-конференција информира дека се свесни оти поради тоа сообраќајот од петок ќе биде значително отежнат и затоа повикуваат на разбирање од страна на граѓаните.
– Ова не го правиме за личен интерес, партиски или за интерес на некое друго здружение, туку за одбрана на светото македонско име, идентитет, историја и традиција на македонскиот народ, рече Угриновски.
Во однос на најавените пет јавни дебати и дијалог за Нацрт-амандманите за измена на Уставот што ќе ги организира Владата, Угриновски рече дека тоа е уште една голема измама од власта доколку се погледне списокот на учесници на дебатите.
Од „Македонија блокира“ го повикуваат премиерот Заев да учествува и на јавна дебата за уставните промени организирана од нив. Повторија дека цел на нивните активности е распуштање на Собранието и распишување нови избори.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница