Мајкл Гоув ветува 100 милиони фунти неделно за здравствениот систем во Британија

Лидерот на кампањата за излегување на Британија од Европската унија, Мајкл Гоув вети денеска дополнителни 100 милиони фунти неделно за националното здравство до 2020 година доколку тој биде избран за нов премиер на државата.

Британскиот министер за правда беше водечка фигура во кампањата за напуштање на ЕУ на референдум поради кој премиерот Дејвид Камерон најави оставка.

Еден од најконтроверзните аргументи во кампањата за излегување од ЕУ беше тврдењето дека Велика Британија издвојува 350 милиони фунти неделно за ЕУ додека тие пари би било попаметно да бидат потрошени на здравствена заштита на Британците.