Мајка му сакала да го абортира, денес е еден од најдобрите фудбалери во светот

Во новиот документарен филм за животот на Кристијано Роналдо неговата мајка Долорес Авеиро открива дека сакала да ја прекине бременоста.

Филмот на режисерот Ентони Вонке ќе биде прикажан премиерно на 9 ноември во Шпанија, а е направен во соработка со португалската ѕвезда.

Се чини дека најинтересна беше изјавата која ја даде неговата мајка.

-Не сакав да го родам Роналдо. Имав веќе три деца, со мажот не се согласувавме околу неговата склоност кон алкохолот, но Бог сакаше поинаку и денес сум горда мајка. Се што имам денес му го должам на Кристијано, изјави Долорес.

Инаку, Роналдо бил воодушевен со идејата за снимањето на филмот бидејќи сакал светот да го види неговото вистинско лице.

-Се надевам дека овој филм ќе ги увери гледачите дека Кристијано воопшто не е арогантен, изјави режисерот Вонке