Маџиров на поетска вечер во Куала Лумпур

Македонскиот поет Никола Маџиров во рамки на неговата турнеја низ Азија денеска ќе одржи целовечерно читање во Куала Лумпур, во Малезија.

На вечерта насловена „Ловците се повеќе осамени, отколку гладни”, модерирана од малезискиот поет Ко Един, поезијата на Маџиров ќе се чита на македонски, англиски и малезиски јазик.

Во рамки на азиската турнеја Маџиров имаше неколку настапи и на меѓународниот книжевен фестивал во Сингапур, а го очекуваат читања во осум градови во Кина и Индија, од Шангај, Пекинг и Хонг Конг, до Мумбаи.

Во издание на „Чајна Прес Јуниверзити” се објави и антологијата на современа светска поезија „Поезија и конфликт” на кинески и англиски јазик, во која се застапени и неколку песни на Никола Маџиров.