Мадуро ги прекина дипломатските врски со САД и излезе со ултиматум до американските дипломати
Претседателот на Венецуела, Николас Мадуро изјави дека неговата земја ги прекинува сите дипломатски односи со САД и им даде на американските дипломати 72 часа да ја напуштат земјата, откако Доналд Трамп го призна опозицискиот лидер за привремен претседател.
Мадуро оваа одлука ја соопшти пред неговите поддржувачи од балконот на претседателската палата во Каракас, кратко откако САД и уште неколку јужноамерикански земји одлучија да го признаат опозицискиот лидер Хуан Гуаидо за привремен претседател.
Претседателот на САД, Доналд Трамп застана на страната на Гуаидо, кој се самопрогласи за претседател на Венецуела. Трамп власта на Мадуро ја опиша како „нелегитимен режим“.
Покрај САД, Гуаидо го признаа и Аргентина, Бразил, Коста Рика, Еквадор, Гватемала, Чиле, Колумбија, Парагвај и Перу.
Мадуро им порача на приврзаниците пред претседателската палата во Каракас дека опозицијата се обидува да направи државен удар и ја повика армијата да го зачува единството.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата