Мадуеке официјално од Челзи во Арсенал

Лондонски Арсенал вечерва официјално го објави трансферот на англискиот крилен напаѓач Нони Мадуеке од градскиот ривал Челзи.

Мадуеке потпиша долгорочен договор, а финансиските детали иако не се обелоденети, британските медиуми објавија дека трансферната цена изнесува 48 милиони фунти, со дополнителни четири милиони фунти во бонуси.

Дваесетитргиодишниот Мадуеке се приклучи на Челзи од холандскиот ПСВ во јануари 2023 година и за лондонскиот клуб одиграно 92 натпревари, постигнувајќи 20 голови.

Роден во Барнет, северен Лондон, Мадуеке ги мина младинските категории на Кристал Палас и Тотенхем пред да се пресели во ПСВ на 16 години.

„Враќањето дома ми значи многу. Се радувам што ќе ја внесам мојата енергија и ќе му помогнам на тимот да постигне нови цели“, рече Мадуеке на промоцијата во Арсенал.

МИА