Луксембург ќе прими 12 деца бегалци без придружба кои што се во Грција
До следната седмица предвидено е 12 деца бегалци без придружба од Грција да заминат за Луксембург, со што започнува и процесот за релокација во европските земји на децата згрижени во Грција.
Финализацијата на договорот за преземање на децата бегалци без придружба била потврдена за време на денешниот телефонски разговор на алтернативниот Министер за миграција и азил на Грција Јоргос Кумуцакос со Министерот за надворешни работи, миграција и азил на Луксембург, Жан Аселборн.
-Станува збор за разврска што се постигнува и покрај тешките услови со пандемијата и создава позитивен пример за другите европски партнери, кои изразија подготвеност да прифатат малолетни бегалци без придружба од Грција, вели Кумуцакос.
Како што соопштија од Министерството за миграција и азил на Грција, Кумуцакос и Аселборн се договориле, надлежните власти од двете земји, и покрај тешките околности поради пандемијата со коронавирусот, сепак во следните денови да ја завршат сложената процедура за 12-те деца во соработка со УНХЦР и Меѓународната организација за миграција. А се очекува, децата, до следната седмица да бидат префрлени во Луксембург.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните