ЛШ - жени: „Вардарки“ се изборија за финалето во Будимпешта
Ракометарките на ЖРК Вардар се пласираа во финалето на Лигата на шампионите оваа сезона откако во полуфиналето на завршниот турнир во Будимпешта го совладаа европскиот првак Букурешт 38:33 (21:13). Ова за „вардарки“ беше четврто полуфинале и за првпат победија и се изборија за финалето кое утре го играат против унгарската екипа Ѓер, која со 26:20 го победија тимот на Будуќност. Почетокот на финалето е во 17:45 часот.
ЖРК Вардар фуриозно го почна дуелот и од самиот почеток македонскиот првак имаше водство кое го зголемуваше. Во финишот на првиот дел Вардар го имаше највисокото водство со 20:9. Во вториот дел Букурешт се обидуваше да намали, но не успеаваше. Вардар имаше водство од 31:21 со што беше најавена победата.
Најефикасни кај Вардар беа Андреа Пенезиќ и Јованка Радичевиќ со по 7 голови, а Андреа Лекиќ постигна 6. Одлична на голот во првиот дел беше Амадин Лејно, додека Ина Суслина одбрани три седмерци во серија во првиот дел.
Со оваа победа Вардар им се реваншираше на ракометарките на Букурешт за ланскиот пораз од 27:21, а претходните две полуфиналниња Вардар загуби од Будуќност (17:27 и 20:22).
Ново на Сител
-
Телото на исчезнатиот скопјанец синоќа било извлечено од водите на Охридското Езеро
-
„Иднина која инспирира“: Пет проекти добиваат поддршка од dm, а граѓаните избираат меѓу три за дополнителна поддршка
-
Хашим Тачи и Јакуп Красниќи осудени на по 25 години затвор, Весељи на 18
-
До сабота стабилно време, од понеделник дожд
-
Николоски: Да се најде решение за превозниците и да се овозможи слободен проток на стоките
-
Саудиска Арабија откажува испораки на нафта за Европа по напад со дрон - Цената на берзите е 122 долари за барел
-
По две години бегство, уапсен осуденик за недозволена трговија со дрога
-
Тошковски: Намален бројот на убиства, обиди за убиства, разбојништва и тешки кражби во споредба со лани
