-->
-->
ЛШ - жени: Гостинска победа за ЖРК Вардар
-->
Ракометарките на ЖРК Вардар вечерва остварија важна победа на гостувањето во Романија во дуелот од 8.коло од ракометната Лига на шампионите. ЖРК Вардар постигна победа над Букурешт со 30:25 и со 10 бодови се зацврсти на третото место на табелата во групата 2.
Во првиот дел освен водството од 1:0 и нерешениот резултат 1:1 домашната екипа немаше позитивен резултат бидејќи ЖРК Вардар постигна пет голови и поведе со 5:1 во осмата минута. Букурешт успеа да намали на 5:4, но „вардарки“ брзо дојдоа и до предност од пет голови (11:6). ЖРК Вардар имаше во два наврати и седум голови разлика (16:9 и 17:10) , а на полувремето резултатот беше 17:11 за македонскиот првак.
Романската екипа во три наврати успеа да намали на три разлика (17:20, 20:23 и 22:25), а во тие моменти одлични на голот на двете екипи беа Оливеира Песоа (Букурешт) и Амадин Лејно (Вардар). До крајот на натпреварот ЖРК Вардар без поголеми проблеми ја зачува разликата од 3-5 голови разлика и оствари победа важна за обезбедување на третата позиција во групата 2.
Најефикасни на дуелот беа Андреа Лекиќ со 9 голови и Андреа Пенезиќ со 7 (6 во првиот дел).
Табела: Будуќност 13 бодови, Ѓер 11, ЖРК Вардар 10, Букурешт 7, Митјиланд 5, Савехоф 2.
Во следното коло ЖРК Вардар на домашен терен го пречекува европскиот првак Будуќност (недела 21.февруари).
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп