ЛШ: Кил го победи европскиот првак Барселона, шест гола на Лазаров

Ракометарите на Кил постигнаа победа во првиот четвртфинален натпревар од Лигата на шампионите над европскиот првак Барселона со 29:24. Бундеслигашот го искористи домашниот терен, а предноста ја оствари во финишот на првиот дел кога на полувремето се избори за резултат од 16:12. Во вториот дел Барселона успеа да се доближи резултатски, но и Кил имаше водство од шест разлика (27:21).

Македонскиот репрезентативец Кирил Лазаров постигна шест голови од 12 обиди, а во вториот дел имаше и неколку одлични асистенции.

Најефикасен на дуелот беше Доминик Клајн со 9 голови, додека голманот на Кил Ландин имаше 13 одбрани.

Резултати на 1/4 финалните дуели:

Кил - Барселона 29:24,

Вардар - Веспрем 26:29,

Флензбург - Киелце 28:28,

Загреб - ПСЖ 20:28.

Реванш натпреварите се играат:

Киелце - Флензбург (среда),

Барселона - Кил (сабота)

Веспрем - Вардар (сабота 17:30 часот)

ПСЖ - Загреб (недела).