ЛШ: Гризман типува на Јувентус
Фудбалерот на Атлетико Мадрид, Антоан Гризман, прогнозира дека Јувентус ќе ја освои Лигата на шампионите и дека престижната награда „Златна топка“ ќе заврши во рацете на Џанлуиџи Буфон.
Јувентус и Реал на 3 јуни во Кардиф ќе го играат финалето во Лигата на шампионите. Реал ја брани титулата, додека Јувентус ќе се обиде да го освои првиот трофеј по сезоната 1995/1996.
„Јувентус ќе ја освои Лигата на шампионите, што значи дека Буфон ќе ја добие Златана топка“, изјавил Гризман за шпанските медиуми.
Реал беше тимот кој го запре Атлетико во полуфиналето, поради што тимот на Диего Симеоне не успеа да го повтори минатогодишниот успех, кога стигна до финалето.
„Пораз во финалето повеќе боли. Размислуваш како ќе го кренеш пехарот, а кога ќе го загубиш натпреварот се чувствуваш лошо“, дополнил Гризман.
Атлетико и наредната сезона ќе игра во Лигата на шампионите бидејќи во првенството го обезбеди третото место.
„Не ги освоивме трофеите кои ги посакувавме…Но, исполнивме една цел, што значи дека завршивме голема работа“, истакнал францускиот напаѓач.
Атлетико сезоната ќе ја заврши в недела, со натпреварот против Атлетик Билбао, што за тимот ќе биде последен меч кој ќе го одигра на „Винсенте Калдерон“.
Ново на Сител
-
Мицкоски: Во тек е оглас за ангажирање на 400 пожарникари, охрабрувам да се пријават подготвените за овој процес
-
Зголемените американски царински стапки ќе се применуваат од 1 август
-
ЦУК: Шест активни пожари на отворено до 18 часот
-
Ѓорѓиевски: Спремен сум по изборите да го воскреснам Скопје и конечно да стане град за достоинствен живот
-
Мицкоски: Се разбира дека ќе нема данок за немажени и неженети, но ние тивко исчезнуваме и тоа поминува незабележано
-
Во Пониква заврши првата фаза од рехабилитацијата на повредените во дискотеката Пулс
-
Сончево и многу топло со мала до умерена облачност
-
МВР: Лишени од слобода шест возачи за возење под дејство на алкохол