ЛШ: ЕХФ му додели фаворитска улога на ЖРК Вардар

Ракометарките на Вардар се најголемите фаворитки за освојување на титулата во Лигата на шампионите, се вели во анализата на Европската ракометна федерација (ЕХФ).

 

ЖРК Вардар се наоѓа во добра форма, нема пораз сезонава во Лигата на шампионите, а заедно со ФТЦ се единствените екипи кои победија на првите три средби во главната фаза.

 

Вардар игра добра одбрана има „долга клупа“, што според анализите на ЕХФ го става во пол позиција за освојување на трофејот во Лигата на шампионите.

 

„Тие се единствентата непоразена екипа во ова натпреварување и поради тоа се на врвот на оваа листа. Играат одлична одбрана и имаат добар ростер, што е причина да бидат едини од фаворитите за трофејот“, се вели меѓудругото во анализата на ЕХФ.

 

Инаку, според ЕХФ, зад ЖРК Вардар се унгарските тимови ФТЦ и Ѓер, а потоа се наредени Ларвик, ЧСМ Букурешт, Митјиланд, Мец, Будуќност, Турингер и Есбјерг