ЛШ: Барса домаќин на Рома

Со натпреварите од петтото коло во Е, Ф, Г и Х групите, во вторник продолжуваат натпреварите во Лигата на шампионите. Од оваа половина во шампионската лига, пласман во нокаут фазата веќе избори Зенит, а во вторник можат да му се преидружат Барселона, Баерн, Олимпијакос, Порто, Челзи и Валенсија.

 

Барселона и со освоен бод во дуелот со Рома ќе осигура место меѓу најдобрите 16 во Европа. Баерн ќе го пречека Олимпијакос, Баварците се големи фаворити, но нерешен резултат ќе ги однесе двата тима во нокаут фазата.

 

Порто и Челзи судбината ќе си ја кројат сами, со победи одат понатаму. Порто ќе го пречека киевски Динамо, а Челзи гостува во Израел.

 

Валенсија гостува кај Зенит, единствениот тим со максимален учинок по првите четири кола и со победа ќе избори пласман во нокаут рундата, но само под услов Гент да не победи во Лион.

 

Група Е: БАТЕ Борисов-Баер Леверкузен, Барселона-Рома

 

Табела: Барселона 10, Рома 5, Баер 4, БАТЕ 3

 

Група Ф: Арсенал-Динамо Загреб, Баерн-Очимпијакос

 

Табела: Баерн 9, Олимпијакос 9, Динамо 3, Арсенал 3

 

Група Г: Порто-Динамо Киев, Макаби-Челзи

 

Табела: Порто 10, Челзи 7, Динамо 5, Макаби 0

 

Група Х: Зенит-Валенсија, Лион-Гент

 

Табела: Зенит 12, Валенсија 6, Гент 4, Лион 1

 

Натпреварите во Белорусија и Русија ќе започнат од 18 часот, додека останатите во стандардниот термин за ЛШ во 20:45 часот.