Интернет
21. March 2019 - 21:27

Лозинки на корисници биле видливи за вработени во Фејсбук

Компанијата Фјесбук откри грешка во својата социјална мрежа која предизвика лозинките на стотици милиони корисници да бидат видливи на вработените во компанијата и соопшти дека проблемот сега е решен.

При безбедносен преглед во јануари, Фејсбук утврдил дека лозинките се зачувани во читлив формат во однос на безбедносните процедури, но оти никогаш не биле видливи никому надвор од компанијата, пренесе Блумберг.

Повеќето засегнати профили користеле Фејсбук лајт верзија на апликацијата дизајнирана за пазари во развој.

Компанијата соопшти дека не пронашла докази дека тој пристап бил злоупотребен.