Локализиран пожарот меѓу трите села во општините Карбинци и Пробиштип
Локализиран е пожарот меѓу селата Горни Балван, Крупиште и Пишица. Командирот на ТППЕ-Штип, Тони Атанасов за МИА информира дека пожарникарите од Штип по 12 часот го локализираа и последниот дел од пожарот во атарот на селото Крупиште.
Пожарникарите од Штип, Пробиштип, Кочани, но и вработени од комуналните претпријатија и од ЈП „Македонски шуми“ овој пожар го гаснеа од вчера од 16 часот, а најкритично било синоќа кога пожарот се доближил на околу 300 метри од куќите во селото Горни Балван. Спасени се и бачила и фарми на сточарите од општините Карбинци и Пробиштип.
-Не можам да кажам за колкава површина изгоре во овој пожар. Но е навистина голема. Гореше сува трева, ниско стеблести растенија и дрвја. Материјална штета нема, но штетата може да кажеме дека е од аспект на екологијата, вели Атанасов.
Тој забележа дека на терен се гаснело со рачни пумпи и метли, но и со заштитна опрема, којашто е стара и ја одржуваат самите пожарникари.
Портпаролот на СВР-Штип, Гордана Панајотова информира дека во текот на вчерашниот ден во Штип настанал пожар во патничко возило „Застава“, сопственост на М.К. од Штип. Пожарот бил изгаснат од екипа на Територијалната противпожарна единица Штип. Увид на местото на настанот извршила увидна екипа на СВР Штип.
На терен вчера биле и беровските пожарникарите. Пожар имало и на место викано „Света Петка“, атар на Пехчево. Во пожарот била опожарена борова шума, овошна градина и пасишта со вкупна површина од околу два хектари. Пожарот бил локализиран од екипа на Територијалната противпожарна единица Берово.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација