Кошарка
8. July 2015 - 10:38

Љуљ ги одби "Рокетс" и продолжува со Реал

Шпанскиот репрезентативец Серхио Љуљ ја одби понудата на тимот Хјустон својата кариера да ја продолжи во НБА лигата и реши да остане во мадридски Реал.

 
Љуљ го прифати новиот договор кој му го понуди Реал со кој ја продолжи соработката до 2021 година.
 
27-годишниот Љуљ во Реал дојде во 2007 година, а во 2009-тата тој беше избран од Хјустон во вториот круг од драфтот.
 
Минатата сезона Љуљ во дресот на Реал Мадрид ја освои тројната круна откако триумфираше во домашното првенство, Евролигата и националниот куп.