Лига на нации: Успешен старт на “рисовите“

Македонската фудбалска репрезентација со победа го стартуваше вториот циклус  од Лигата на нациите.  Три досудени пенали донесоа победа од 2-1 за избраниците на селекторот Ангеловски.  Следниот предизвик е во вторник кога гостуваме во Грузија.  

Македонија попладнево на топлото време на Арената Тоше Проески  имаше против себе разигран противник но и тешки услови за игра па затоа победата е со извонредно значење за продолжението од циклусот. 

Нашата репрезентација  поведе рано уште во првите минути и тоа од пенал  кој успешно го реализираше Алиоски.  

Следуваше офанзивна игра на Ерменците но Македонија добро се одбрани и веќе во 36-тата минута Елмаз изнуди и втор пенал. Овојпат  прецизно биеше Несторовски и зголеми на 2-0. 

Во вториот дел Македонија имаше неколку шанси за повисоко водство но и Ерменија за  резултатски камбек.  Конечните 2-1 ги постигна Барсегјан  исто така од пенал во последните мигови од средбата.