Лидерите од ЕУ на неформална средба во Малта ќе разговараат за миграцијата и Брегзит

Шефовите на држави и влади на земјите членки на ЕУ денеска ќе имаат неформална средба во Малта, пренесоа британските медиуми.

Двете работни сесии на заседанието на Европскиот совет ќе бидат посветени на миграцискиот притисок врз Европа и на Брегзитот.

Лидерите од ЕУ се очекува да ги одобрат плановите за ограничување на миграцијата од Африка кон  Европа. Хаосот во Либија, меѓутоа, значи дека е малку веројатно решавањето на ова прашање на краток рок, забележуваат британските медиуми.

Европските лидери веројатно ќе прибегнат кон создавање на кампови за мигрантите уште на африканска територија.

Британскиот премиер, Тереза Меј, ќе учествува на средбата, и покрај тоа што веќе следниот месец планира да ги почне преговорите за излез на земјата од ЕУ.

Прашањето со миграцијата конкретно покажува дека Унијата уште долго време по Брегзит ќе треба да соработува со Велика Британија, една од двете главни воени сили во неа, заедно со Франција, и клучен донатор за Африка, забележа абританските медиуми.