Лазовски го соопшти списокот на кошаркарки за меѓународниот турнир во Скопје

 

Женската сениорска кошаркарска репрезентација на Македонија од утре (петок) па се до недела ќе одигра три натпревари против силни противници на првиот меѓународен пријателски турнир, чиј организатор е Македонската кошаркарска федерација (МКФ).

 

По апстиненција од активности во изминатите три години МКФ ги активира сениорките пријавувајќи ги за квалификациите за континенталното првенство. Во рамки на подготовките, МКФ организира турнир за проверка на силите. Селекторот Марјан Лазовски, заедно со својата десна рака Стојна Вангеловска го состави конечниот список на кошаркарки кои утре ќе излезат на паркетот и ќе ги бранат боите на Република Македонија.

 

Поради ситни повреди изоставени беа кошаркарките на Вардар, Муса и Јоловиќ.

 

На списокот на Лазовски се најдоа следните кошаркарки: Криси Гивенс, Јелена Антиќ, Ана Тантуровска, Ивана Кметовска, Ива Крстевска, Сара Анастасиеска, Драгана Петковска, Нена Трајчевска, Александра Стојановска, Ивона Пејковска, Софија Лазареска, Сандра Лазареска и Марина Неделчева. 

 

РАСПОРЕД НА НАТПРЕВАРИ:

 

2 јуни (петок)

‪18:00‪ часот Босна и Херцеговина - Јапонија‬

20:00 часот Македонија - Бугарија‬

‬

3 јуни (сабота) 

‪17:00‪ часот Бугарија – Босна и Херцеговина‬

19:00 часот Јапонија - Македонија‬

‬

4 јуни (недела)

‪18:00‪ часот Бугарија - Јапонија‬

20:00 часот Македонија – Босна и Херцеговина‬.