Лажна закана за бомба на аеродромот во Приштина

Летовите од аеродромот „Адем Јашари“ во Приштина се одвиваат по планираниот редослед откако надлежните служби утврдиле дека заканата за бомба била лажна, соопштено е денеска.

„Ја информираме јавноста дека по заканата за бомба, преземени се сите оперативни и истражни дејствија од страна на надлежните органи кои утврдија дека дојавата за поставената бомба е лажна“, се вели во соопштението на приштинскиот аеродром.

Косовската полиција претходно соопшти дека проверува дојава дека на аеродромот е поставена експлозивна направа.