Лавров: Русофобијата се уште е присутна во САД
Рускиот министер за надворешни работи Сергеј Лавров изјави денеска дека русофобијата, покрената за време на администрацијата на поранешниот американски претседател Барак Обама, ја задржала својата инерција во САД.
Лавров, по состанокот со неговиот фински колега Тимо Соини, наведе дека односите меѓу Москва и Вашингтон во моментот на промени во Белата куќа, биле на најниско ниво бидејќи администрацијата на Обама правела се што е можно со цел да ги поткопа, јави ТАСС.
- Жално е што се уште постои русофобија во САД, што е покрената за време на администрацијата на Обама, нагласи Лавров, додавајќи оти е очигледно дека русофобијата се користи за политичка борба во внатрешноста на САД.
Тој истакна дека не е пронајден ниту еден доказ за вмешаноста на Русија во американските претседателски избори, одржани во ноември минатата година.
- Слушнавме бројни обвинувања што се граничат со хистеријата против Русија. Гледаме дека американскиот Конгрес основа некои меѓусебни структури со цел да ги истражи заканите од Русија, но не сме виделе, ниту пак сме слушнале за ниту еден доказ што би ги потврдил обвинувањата против нас, објасни Лавров.
- Слични обвинувања изнесоа и Велика Британија, Франција, а неодамна и Шведска, посочи рускиот министер за надворешни работи, потенцирајќи дека вербалните напади не се со ништо потврдени.
- Да постојат докази, за нив ќе може да се расправа. Доколку нема докази, кампањата ја согледуваме исклучиво како пропаганда за постигнување на не толку добри цели, заклучи Лавров.
Ново на Сител
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола