Лавров и Кери ќе се сретнат со своите саудиски и турски колеги во Виена

Шефовите на руската и американската дипломатија - Сергеј Лавров и Џон Кери, во петок во Виена ќе се сретнат со своите колеги од Саудиска Арабија и Турција - Адел ал Џубеир и Феридун Синирлиоглу, за да ја разгледаат ситуацијата во Сирија и Блискиот исток, информира руското Министерството за надворешни работи, цитирано од ТАСС.

Лавров и Кери, во денешниот телефонски разговор, ги разгледале подготовките за средбата на 23 октомври во австриската престолнина, а иницијативата потекнала од американска страна.

Рускиот министер предложил истиот ден да се свика и министерска средба на Квартетот меѓународни посредници за Блискиот исток (Русија, САД, ЕУ и ОН) заради исклучително заострените палестинско-израелски односи.