„Лансет“: Над милијарда луѓе ширум светот имаат прекумерна тежина
Повеќе од милијарда луѓе се борат со прекумерната тежина и дебелината, посочуваат новите научни проценки на светско ниво, објавени во медицинското списание „Лансет“.
Податоците од 2022 година вклучуваат околу 880 милиони возрасни и 159 милиони деца. Највисоки стапки на прекумерната тежина има во Тонга и Американска Самоа - за жени и во Американска Самоа и Науру - за мажи, со околу 70 - 80 отсто од возрасните кои живеат со дебелина. Во периодот меѓу 1990. и 2022 година, дебелината во светот кај жените се зголемила од 8,8 отсто на 18,5 отсто, а кај мажите од 4,8 отсто на 14 отсто, покажува истражувањето.
Научниците истакнуваат дека дебелината ја зголемува опасноста од развој на бројни сериозни здравствени состојби, како срцеви заболувања, дијабетес тип 2 и некои видови рак.
- Во некои случаи има агресивни маркетинг-кампањи коишто промовираат нездрава храна, додека пак, и цената и достапноста на поздрава храна може да биде проблем, нагласи проф. Маџид Езати.
Генералниот директор на Светската здравствена организација (СЗО), Тедрос Аданом Гебрејесус истакна дека новите испитувања ја нагласуваат важноста на спречување дебелина од раниот живот до зрелоста, преку исхрана, физичка активност и соодветна грижа. Тој додаде дека тоа ќе бара работа на властите и заедниците и оти е неопходна и соработка на приватниот сектор, кој мора да биде одговорен за влијанието на неговите производи врз здравјето на населението.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова