Културни манифестации на Почесниот конзулат на Република Австрија во Битола

Амбасадата и Почесниот конзулат на Република Австрија во Битола денеска ги одржаа манифестациите „Австриски денови 2016“ и „40. Денови на германско јазична кутура“.

 

Двата културни настана се придонес во развојот на културата и запознавање со нови културни вредности, истакна Валентина Илиева, почесен австриски конзул во Битола.

 

- Во рамки на манифестациите организиравме литературно читање на германски јазик на австриската авторка од Виена Штефани Заргнагел, добитник на наградата Ингеборг Бахман за 2016 година, а во универзитетската библиотека одржавме и семинар за професори по германски јазик „Австриски денови 2016“. На семинарот гостин од Виена беше предавачот Ирис Хоенедер чие доаѓање беше во соорганизација на повеќе институции меѓу кои и австриската служба за академска размена, соопшти Илиева.