Куче скитник искаса 4- годишно момче по глава, итно пренесено во тетовската болница

Четиригодишно момче од селото Прељубиште, општина Јегуновце, денеска во 14 часот и 40 минути било искасано по главата од куче скитник, информираше портпаролот на СВР Тетово Марјан Јосифовски.

Настанот се случил во дворот од семејната куќа на момчето во селото. Кучето повеќепати го гризнало детето од двете страни на главата, а поради повредите веднаш било донесено во клиничката болница во Тетово за да му се укаже соодветна лекарска помош рече Јосифовски.