Крводарителска акција по повод 13 Ноември

Црвениот крст на град Скопје денеска од 9 до 17 часот во просториите на Дневниот центар за дарување крв во ДХО Даре Џамбаз организира крводарителска акција, со што се вклучува во одбележувањето на 13 Ноември.

Во рамки на акцијата, како што информираат од Црвен крст, ќе бидат доделени признанија за најуспешни крводарители, фирми, компании, образовни институции кои дале најголем придонес во промоција и унапредување на крводарителството на територија на град Скопје.

Наградени се: Велковски Љупчо, Љубинко Ристов, ЈСП Скопје, СУГС „Раде Јовчевски Корчагин“, Мирела Шкријељ, Зориќ Мирјана, Виолета Савеска.