Кружниот тек на „Туристичка“ во Охрид го добива финалниот изглед
Привршуваат естетските зафати на новоизградениот кружен тек на крстосницата на булеварот „Туристичка“ и улиците „Македонски Просветители“ и „7 Ноември“ во Охрид. Моментално екипи на ЈП „Охридски Комуналец“ хортикултурно го уредуват средишниот простор внатре во самите кружни текови, во големиот и секундарниот.
Целосно се завршени градежните активности на самиот кружен тек, каде е поставена нова атмосферска канализација, двослоен асфалт, а крстосницата е целосно одбележана и поставена е заштитна ограда за пешаците.
Ова е третиот кружен тек за регулирање на сообраќајот по најважната улица во Охрид, по оние на крстосниците со улиците „„АСНОМ“ и „Бистрица“.
Моментално во изградба е кружниот тек на крстосницата на булевар „Туристичка“ со улицата „Абас Емин“ кај Градскиот пазар, а во наредниот период треба да започне изградбата и на кружниот тек на крстосницата „Туристичка“ со „Јане Сандански“ кај охридската Гимназија.
Вчера беше предаден во употреба и новоасфалтираниот крак на улицата „Сирма Војвода“, што беше едно од барањата на жителите од тој дел на Охрид.
Ново на Сител
-
Врвните светски параглајдеристи се натпреваруваат во Крушево
-
Се претставил како дипломат на ГП „Табановце“, приведени две лица за фалсификување исправа | ФОТО
-
Активни пожарите на Готен и во малешевијата, на Бешешки рид и уште четири други
-
Приведени четири лица за управување возило под дејство на алкохол
-
Зголемена фреквенцијата на возила на граничните премини Табановце и Пелинце
-
Засилени царински патроли на Охридско Езеро: Целосна контрола на пловните објекти за спречување криминал и избегнување на давачки
-
ЈП Водовод и канализација – Скопје: Повторно енормно зголемена и неконтролирана потрошувачка на водата
-
УХМР: Денеска до 43, од утре и следната недела пониски температури, нестабилност со пороен дожд и грмежи