Кризата во Сирија и Украина биле меѓу темите за кои разговарале Путин и папата Франциск

Климатските промени и ситуацијата во Сирија, Венецуела и Украина биле меѓу темите за кои се разговарало на денешната средба меѓу рускиот претседател Владимир Путин и папата Франциск во Ватикан, јавија руските медиуми повикувајќи се на прес-службата на Светата Столица.

Во разговорот се зборуваше за животната средина, некои важни прашања од животот на Римокатоличката црква во Русија, како и актуелни прашања од меѓународна политика, како што се ситуацијата во Сирија, Венецуела и Украина, стои во документот.

По состанокот, Путин му се заблагодари на папата за одвоеното време и „интересниот и значаен разговор“, а папата го повика да се моли за него.