Кривична пријава за скопјанката чие петгодишно падна од 7 кат чекајќи ја да се врати дома

СВР Скопје поднесе кривична пријава против Д.И. (24) од Скопје поради постоење основи на сомнение за сторено кривично дело „запуштање и малтретирање на малолетно лице“.

 

Пријавената на 5.септември минатата година во периодот од 10.00 до 10.45 часот во својот дом без надзор и грижа ја оставила својата петгодишна ќерка.

 

Откако излегла пријавената девојчето станало од креветот и отишло на терасата каде што поставило столче до оградата и се поткачило за да види дали ќе помине нејзината мајка.

 

Кога се поткачила на столчето изгубила рамнотежа, се превртела и паднала од седмиот кат на земјена подлога веднаш до зградата, при што се здобила со тешки телесни повреди.