Кривична пријава за албански државјанин за кражби
Поради постоење основи на сомнение за сторени казнени дела „тешка кражба“ и „одземање на моторно возило“, полициската станица од Струга поднесе кривична пријава против А.П. (24) од Либражд – Република Албанија.
Како што соопшти СВР Охрид, пријавениот на 27 јануари годинава со уште едно лице од Албанија, во близина на граничниот премин „Ќафасан“ илегално ја преминале државната граница и во населбта Теферич од еден автосервис одзеле патничко моторно возило марка „БМВ- 320Д“ кое, незаклучено и со клучевите на брава било оставено на поправка.
- Двајцата, со возилото се упатиле во селото Велешта каде, А.П. повторно влегол во авто сервис и извршил тешка кражба. Тој со подесен предмет го скршил прозорот, влегол во сервисот по што извршил пребарување, а потоа и одземање на алати и воздушни филтри во вкупна вредност од 120.000 денари. По извршените казнени дела и со одземените предмети, пријавениот и неговиот пријател се упатиле кон граничниот премин „Ќафасан“. Одземеното возило го оставиле во близина на граничниот премин и повторно илегално ја преминале државната граница, изјави портпаролот на СВР Охрид Стефан Димоски.
По извршени консултации со јавен обвинител од Основното јавно обвинителство во Струга, на пријавениот му е изречена мерка забрана за влез во Република Македонија во траење од три години.
Пријавениот А.П. и е познат на службата како сторител на повеќе слични казнени дела на подрачјето на Струга.
Ново на Сител
-
Во Новаци гласале повеќе од половина жители, најмала излезност во Центар Жупа
-
Излезноста до 15 часот е 35,89 отсто
-
24-годишна девојка нападната од нејзиниот невенчан сопруг
-
Силувана малолетничка во Шуто Оризари
-
Во Крива Паланка излезноста до 13 часот е 42,08 отсто
-
Излезноста до 13:00 часот во Делчево и М.Каменица се движи од 24 до 29 отсто
-
Во Велес и велешко до 13 часот излезноста е 29,56, во Градско 33,51 процент
-
Приведен охриѓанец кој го фотографирал гласачкото ливче