Кривична пријава против три физички лица: Фабрика за канабис го пакувала цветот во најлонски и алуминиумски ќеси
Eдиницата за економски и компјутерски криминал при СВР Скопје поднесе кривична пријава против Б.И.(42) од Тетово, М.Б.С. од Канада и Д.К. од Албанија, поради постеоње основано сомнение дека сториле кривично дело по чл.95-в ст.2 и против правно лице од Скопје, по чл.95-в ст.1 од Законот за контрола на опојни дроги и психотропни прекурсори.
При извршена контрола во правното лице на 19.07.2023 од страна на полициски службеници од МВР и овластени лица од Министерство за здравство-Комисија за оценување на исполнување на условите за простор, опрема и кадар за добивање на одобрение за одгледување на канабис за медицински цели, со локација на просторот и површината за одгледување на канабис во с.Корешница, Демир Капија, било утврдено дека пријавените, во сеф-собата во објектот за чување на опојни дроги, пријавената количина на обработен сув цвет од канабис не ја спакувале во картонски кутии и не ја запечатиле со заштитни ленти, туку ја спакувале во најлонски и алуминиумски ќеси, што е спротивно на чл.29-ѓ од наведениот Закон.
Тие, исто така, до Министерството за здравство не доставиле известувања за настанати промени, што е спротивно на чл.29-г од законот, како ни за бројот на собрани стебла и сува маса по завршената берба на канабисот, што е спротивно на чл.29-д од Законот за контрола на опојни дроги и психотропни прекурсори.
Ново на Сител
-
Бугарија со остри реакции на изјавата на Мицкоски – Бугарите во уставот е услов на ЕУ, не на Софија
-
Обвинителството нареди вонреден инспекциски надзор над загадувачите на воздухот во Скопје
-
Протоколите стигнаа до училиштата: Како до заштита од хибриден напад?
-
Во сезоната на грип евидентирани повеќе од 11 000 случаи
-
ССМ: Нема работници затоа што им давате ниски плати
-
Преглед на вестите од светот
-
Опозицијата предлага мерки за намалување на цените
-
Бројот на мигранти на јужната граница намален за 65%