Криминализирано е он-лајн клеветење на претседателот на Азербејџан

Азербејџанскиот парламент усвои закон со кој се криминализира клеветењето на претседателот преку он-лајн медиуми.Со законот тоа ќе се казнува со затвор.

Парламентот вчера прифати законски промени со кои се воведуваат парични казни од 1.500 манати (860 долари) и лишување од слобода до три години за клеветење на претседателот он-лајн, вклучително преку коментари напишани под лажни имиња и акаунти.

Сите традиционални медиуми во Азербејџан се строго контролирани од властите, и социјалните мрежи се претворија во место каде можеше да се изрази критичко мислење.

Клеветата он-лајн во принцип беше криминализирана во Азербејџан пред три години, но во тој закон не се споменуваше изрично клевета против претседателот.

Европските институции го обвинуваат Илхам Азлиев, лидер на таа поранешна советска република дека ја ограничува слободата на изразувањето и повикаа тој да го отфрли законот.