„Кралски игри“ – нова премиера во Битолскиот театар
Ансамблот на НУ Народен театар-Битола ги заврши подготовките за најновата театарска претстава „Кралски игри“ од рускиот драматург Григориј Горин во режија на Љупчо Ѓорѓиевски чија премиера ќе биде изведена на 4 март.
Режисерот Ѓоргиевски на денешната прес конференција истакна дека станува збор за приказна за еден владетел-апсолутист кој во своите раце ја прибира целокупната световна, духовна и материјална власт.
- Главен лик во претставата е Хенри Осми, крал на Англија, чија апсолутна моќ се прекршува во огледалото на неговата љубена жена Ана Болејн, се распарчува на илјадници делови од суета, завист, страв, злоба, љубомора...и се доведува во ситуација да избира дали да ја задржи власта и да остане крал или пак ќе се посвети на љубовта и ќе остане човек. Власт или љубов? Човек или крал? Во приказната сепак Хенри Осми ја избира власта. Мотивот за власт е неверојатно силен, дури поголем од мајчинскиот мотив, посочи режисерот Ѓорѓиевски.
Во претставата „Кралски игри“ настапуваат актерите Слободан Степановски, Соња Михајлова, Викторија Степановска Јанкуловска, Катерина Аневска, Борис Чоревски, Митко С.Апостоловски, Иван Јерчиќ, Борче Ѓаковски, Сандра Грибовска, Душко Јовановиќ, Васко Мавровски, Никола Пројчевски, Петар Спировски, Јулијана Стефановска, Александар Стефановски, а главната улога ја толкува Петар Горко.
- Хенри Осми е огромен лик кој го работев со голема посветеност иако нема ниту една допирна точка со мене како личност. Хенри Осми е одвратен лик со бројни негативности и само една добра, а таа е љубовта кон Ана Болејн. Мислам дека успеав во претставата да направам игра и коментар, истакна меѓудругото актерот Петар Горко на денешната прес-конференција.
Преводот на текстот од руски на македонски јазик го направи Оливера Павловиќ, костимографијата е на Андреј Ѓорѓиевски, музиката е на Марјан Неќак, а сценографијата e на Валентин Светозарев кој на денешната прес конференција истакна дека со оваа претстава одбележува мал јубилеј, 100-та претстава за која ја подготвува сценографијата во Битолскиот театар.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок